Já, mótið sem maður er búinn að vera að bíða eftir seinustu þrjú árin er bara búið. Þá er ekkert annað að gera en að fara að bíða eftir því næsta sem verður eftir þrjú ár.
Það gekk bara þokkalega, miðað við efni og aðstæður. Var ekki búin að jafna mig í öklunum þannig að það var allt teipað fast og ég sleppti því að fara í kúluvarpið.
Ég byrjaði um hádegið á fimmtudaginn að keppa í gróðursetningu. Það var alveg feykilega gaman og lenti ég í 7. sæti. Kom mér bara mjög á óvart. En ég held nú að ég myndi nú ekki fara svona illa með plönturnar sem ég gróðurset heima og ég gróðursetti þarna. En þetta byggist mjög mikið á tíma.
Síðan var farið í forkeppni í Spjótkasti. Tók eitt létt 44 metra kast með 3 skrefum til að tryggja mig. Síðan á Föstudaginn var forkeppni í kringlukasti. Var nú ekki að ná þessum 30 m fyrr en í 3. umferð. Enda var ég nú ekki búin að snerta kringlu síðan á bikar í fyrra.
Á laugardaginn var síðan útslitakeppnin í spjótkastinu. Ég tók það sæti sem ætlast var til af mér s.s. 1. sætið en ég kastaði ekki eins langt og ég ætlaði mér eða 51.17 m en það voru alveg topp aðstætður til að kasta. En ætli það hafi ekki eitthvað að segja að maður finnur til í fótunum þegar maður kastar. Ásdís varð í 2. sæti, Sigrún í því 3 og Auður í 4. En Auður var ný búin að vinna kúluna þegar spjótkastið fór fram.
Á sunnudeginum keppti ég síðan í útslitunum í Kringlu. Það leit nú bara als ekki vel út í byrjun. Byrjaði á að kasta rétt rúma 26 í 1. umferð, gerði síðan ógilt í 2. umferð og var bara við það að komast ekki áfram. En í 3. umferðinni náði ég að hitta á að kasta tæpa 34 metra sem varð síðan lengsta kastið mitt í keppninni og tryggði mér 5. sætið. Var bara meira en sátt við það. Því maður verður nú að æfa greinina eitthvað til að geta ætlast til að ná lengra.
Eftir þetta var horft á restina á mótinu, gengið frá tjöldunum og farið á mótsslitin. Síðan var brunað til baka á Hvanneyri.
UMSK vann heildarstigakeppnina á lansmótinu, UMSS í 2. sæti og við í HSK urðum í 3. sæti.
Til hamingju UMSK og UMSS.
UMSS vann stigakeppnina í Frjálsum með glæsibrag. Til hamingju með það.

Þar með lauk lansmótspistlinum. En næstu dagar hjá mér fara í það að fá öklana í lag og losa mig við alla strengina í bakinu sem hafa safnast upp í mér við tjaldveruna.

Takk fyrir skemmtilega helgi allir sem voru á Landsmótinu.