Jæja best að reyna núna í þriðja skiptið að setja eitthvað inn og vera fljót að því ef rafmagnið fer af einu sinni enn. Skil ekki hvað er eiginlega í gangi hérna. Rafveitan er kannski að spara rafmagnið fyrir komandi notkun um jólin!! Annars er alveg hellings frost hérna. Alveg -13°C ekki sátt við þennan kulda allan saman. Sérstaklega þar sem ég er að vinna í gömlu húsi sem er ekkert allt of heitfengt.
Ég er sem sagt í lopasokkunum í vinnunni og myndi ekki verða hissa þó húfan fengi að fara á öðru hvoru.
Síðan er allt að gerast í sameiningarmálunum núna. Við erum búin að fá að vita hverjir fá æðstu stöðurnar hérna.

Áslaug Helgadóttir deildarforseti (Auðlindadeild) og jafnframt aðstoðarrektor rannsóknamála
Björn Þorsteinsson aðstoðarrektor kennslumála
Guðríður Helgadóttir forstöðumaður Starfs- og endurmenntunardeildar
Ólafur Arnalds deildarforseti (Umhverfisdeild)
Þorvaldur T. Jónsson rekstrarstjóri (tímabundið)

Misjafnt hvort menn eru sáttir við þetta eða ekki. Ég er að mestu leiti sátt en finnst reyndar ansi mikil völd sem Áslaug fær. En þetta er hörku góð kona þannig að hún ræður eflaust við þetta. Ánægðust er ég samt með hann Björn því hann er bara eins og sniðinn í þetta embætti. Hina þekki ég bara ekki nógu mikið til að hafa skoðun á því.

Við hin þessi óbreyttu fáum síðan að vita á morgun hver okkar staða verður. Síðan verður bara farið í að skoða málin hvert framhaldið verður.