Já helgin er bara búin að vera mikið afslöppuð hjá mér. Á föstudagskvöldið var Áshátíðin og var það alveg snilldar hátíð. Grill á pallinum hjá Kela og Ingu og síðan skemmtileg stund í bílskúrnum hjá Kristjáni og Önnu. Bara snilldar fólk sem býr hérna á Ásnum. Ekki var nú endingin mjög góð hjá mér þar sem ég var komin heim um klukkan 2. Kenni erfiðri viku um!!
Laugardagurinn var síðan tekinn nokkuð snemma þar sem að ég vaknaði við smíðar í kirkjugarðinum. Þar sem að Himnaríki er afar stutt frá Kirkjugarðinum, svona 5m frá horninu, og það var áætluð jarðarför klukkan 11 og ég ekki í mikilli jarðarfararstemmingu, þá ákvað ég bara að skella mér í göngutúr. Og í annað skiptið í sumar fór ég á Hafnarfjall. Mjög andlega afslappandi að ganga þetta ein í hífandi roki. Var líka mikið sneggri heldur en síðast. Enda mikið minna kjaftað á leiðinni. Síðan var bara lagst upp í sófa og slappað af. Þegar til kom var maður bara orðinn það þreyttur að það varð ekkert úr því að fara á Sálar ball á Breiðinni. Sofnaði bara í sófanum og svaf vært. Vaknaði síðan í morgun og er stefnan sett á að slappa meira af í dag. Reyndar var nú ætlunin að taka aðeins til hendinni. Ganga frá þvotti, þrífa bílinn, riksuga og skúra en það kemur bara í ljós hvort það verður framkvæmt núna eða síðar.
Annars er ég núna búin að vera í fríi frá skipulögðum æfingum í 5 vikur og held bara að í næstu viku fari ég að hreyfa mig skipulega. Allavega þannig að það verði eitthvað gert á venjulega æfingatímanum þó svo að alvöru æfingarnar verið ekki teknar í gangið alveg strax.