Ég verð bara að fara að skrifa eitthvað hérna, enda ýmislegt sem ég er búin að vera að gera síðan að ég skrifaði síðast.

Um helgina fór ég heim í sveitina og fór í massa skurðaleik. Maður gerði þetta nú stundum þegar maður var yngri en núna var einhver tilgangur með þessu og stórtækari vinnuvélar notaðar. Ekki bara stígvélin. Það á eitthvað að fara að setja rör í skurðinn til að það verði engin hætta á að börnin sem koma í heimsókn detti í hann. (Við hin sem erum búin að detta í hann verðum bara að reyna að lýsa því síðar fyrir þeim sem ekki náðu því!!)

Sunnudagurinn var síðan bara afslappaður, fór á bútasaumssýningu hjá Gunnu frænku. Rosalega flottir hlutir þarna. Endaði svo góða helgi á heljarinnar brennsluæfingu.

Meira hvað veðrið er búið að vera gott. Þetta hefur þannig áhrif á mig að það á bara að gera allt... og það núna.

Æfingarnar hafa gengið svona upp og ofan. Sumir hlutir eru að ganga bara alveg glimmrandi á meðan að aðrir hlutir ganga vægast sagt hörmulega. Veikindin í vetur hljóta auðvitað að koma einhverstaðar fram. Ætla bara ekkert að vera að orðlengja það neitt meira!!

En svo er Eurovision bara að fara að skella á!! Stefni á að fylgjast grant með á fimmtudaginn en á laugardaginn verð ég væntanlega í Þórsmörk og efast um að það náist eitthvað að horfa á Silvíu Nótt þar!! Væri auðvitað tilraunarinnar virði að fara með rafstöð/rafgeymi og sjónvarp upp á Valahnjúk til að horfa á!!

Ekki meira núna.
Kv. Vigdís