Jæja núna er lífið að verða komið í nokkuð fastar skorður aftur. Önnur vikan í skólanum að hefjast og búið að koma kvígunum fyrir.
Var alveg búin að gleyma því hverngi það er að vera fátækur námsmaður en það rifjaðist alveg mjög snögglega upp fyrir mér þegar ég leit á heimabankann í vikunni. :p He he.

Það verður heilmikill þeytingur á mér á þessari önn allavega.
Verð allan daginn á mánudögum og fram að hádegi á þriðjudögum í Rvk. Og síðan skrepp ég fyrir hádegi á fimtudögum og föstudögum. Þess á milli verð ég á Hvanneyri að vinna. Púff og svo er ætlunin að æfa eins mikið og ég kemst yfir. Þýðir ekkert að missa það niður.

Annars var bikar um helgina. HSK er komið upp í 1. deildina aftur. Það verður nú stuð. Þó svo að það sé mjög skemmtileg keppni alltaf í 2. deildinni þá er nú enn skemmtilegra að vera í 1. deildinni. Og ég efast ekki um að ef allir halda áfram að æfa þá eigum við eftir að plumma okkur bara ágætlega þar.

Af árangri mínum um helgina er það að segja að ég var bara mjög sátt við hann.
Kastaði 34 m í kringlunni og náði ekki að vinna Íslandsmethafann en maður verður nú að eiga eitthvað eftir. Síðan leið mér mjög vel í spjótinu. Sérstaklega eftir að ég hætti að líta á vitlaust atrennumerki. He he langt síðan að þetta hefur komið fyrir hjá mér. En ef vindurinn hefði verið aðein minna en 8 m/sek þá hefði ég sko kastað lengra en ég er sátt við 46,59 þó svo að ég hafi ekki alveg náð takmarkinu mínu.

Jæja nú er komið nóg af þessari tímaeyðslu og best að fara að snúa sér að bókunum.