Já ég hef bara sleppt því að vera að tjá mig hérna eitthvað á síðustu dögum þar sem ég hef bara ekki verið nógu góðu skapi til að þig gætuð haft eitthvað gott af því að heyra það sem ég hef að segja. Er reyndar mikið búin að vera að vinna í jákvæðninni en sumir hlutir fara bara svona með mann.

Ég er sem sagt enn á sýklalyfjum og með rör í nefinu. Æfingalega séð er það ekki að gera góða hluti. Fæ væntanlega frekar að vita um framvindu meðferðarinnar á mánudaginn þegar ég á að fara í einhverja nákvæmari myndatökur. Læknirinn er farinn að halda að kjálkaskurðaðgerðin sem ég fór í þegar ég var 15 ára sé orsökin af þessari vitleysu. Hélt að sú aðgerð og allt vesenið sem varð í kringum það hefði verið alveg nógu slæmt, þó að það myndi ekki valda einhverju svona 15 árum síðar. Vá það eru 15 ár síðan þetta var og ég mér er enn mjög illa við tannlækna. Og bara einn tannlæknir sem hefur fengið heiðurinn af því að líta upp í mig. Veit ekki hvað ég geri þegar hann hættir.

En annars er bara ekkert að gerast hjá mér. Lífið snýst bara um það að ná heilsu og reyna að halda geðheilsunni í leiðinni.

Hvað er svo um að vera um næstu helgi?
Ég er ekki með neitt á prjónunum!! Mjög furðulegt þar sem að síðustu helgar hafa verið meira og minna yfirbókaðar og maður hefur þurft að sleppa ýmsum skemmtilegum atburðum.

Jæja, verða að fara að skrifa eitthvað.
Vil byrja á að óska Árný og Pálma til hamingju með strákinn sem fæddist 21. Ekkert smábarn þar á ferð en hann var rúmar 19 merkur og 54 sm.

Ef ég fer nú yfir í sjúkrasöguna mína þá er ég ekki alveg laus. Læknirinn ætlar að skola a.m.k. tvisvar í viðbót áður en ég losna við rörið. En ég fór hinsvegar á hörku æfingu í gær og það bara blæddi ekki neitt úr nefinu. :) Hef varla geta hreyft mig án þess þangað til. Bara þokkalega laus við hausverkinn. Sem kom bara eftir æfinguna.
Hef bara ekki lengur áhyggjur af þessu, nema ef það gæti verið að ég væri að koma mér upp hræðilegum kæk. Þetta rör er nefnilega alltaf að pirra mig og er ég alltaf að standa mig að því að vera að geyfla mig eitthvað til að hreyfa það til.

Annars er ansi margt um að vera á næstunni. Veit ekki alveg hverju ég á sinna og hverju að hafna. Fríþing, Keila með Hvönnum, ungmennafélagsskemmtun, æfingar, afslöppun, kennsla, læknisferðir.

Over and out!!

Vá hvað helgin var fljót að líða. Hefði svo verið til í að hafa helgi svona nokkra daga í viðbót. En allavega þá var ansi mikið gert á föstudaginn.
Byrjaði daginn á því að fara á Ársfund LBHI á Selfossi. Skrapp síðan um hádegið í Rvk í ennis og kinnholuskolunina. Frekar mikið óhugguleg lífsreynsla það og frekar mikið sársaukafull. Þegar ég var búin að þessu fór ég aftur á Selfoss og kláraði fundinn og síðan Árshátíðina sem var um kvöldið/Nóttina. Mjööööööög skemmtilegt kvöld. Eini gallinn sem ég sá við kvöldið var að ég var að halda mér rólegri og gat mjög lítið dansað þar sem að þá fór að blæða úr nefinu. Hann Guðmundur "Snillingur" Hallgrímsson var nú samt svo elskulegur að benda fólki á að fara varlega í kringum mig því það gætu dottið úr mér varahlutir ef ekki væri varlega farið.
Laugardagurinn var svo tekinn í rólegheitum. Náðum að plata hótelið til að þiggja af okkur skreytingarnar þannig að við í undirbúningsnefndinni þurftum ekkert að bera allt grjótið út sem var í þeim.... held að þau hafi ekki fattað hvað við vorum að gera þeim. Síðan fór ég heim í sveitina í hádegismat og fór mest allur dagurinn í að snýta mér og sofa. En tók samt smá skorpu á bílnum mínum og þvoði hann. Sunnudagurinn var líka rólegur en var búin að bjóðast til að hjálpa bróður mínum við að mála en þegar ég kom þá var mér bara sagt að það tæki því ekki fyrir mig að fara að skýta mig út fyrir það litla sem eftir var að gera. Þannig að ég fór bara í smá verslunarrúnt og svo upp á Hvanneyri.
Þá var bíllinn auðvitað aftur orðin skýtugur.... ARG!! En ég veit allavega að hann er ekki allur í tjöru undir skýtnum núna. ;)

Shitturinn hvað það er síðan búið að vera erfitt í vinnunni í dag. Það er nokkuð sama hvað ég tek af verkjalyfjum, ég er bara með hrikalegan hausverk og rörið er ýkt mikið að pirra mig í nefinu. Get ekki beðið eftir að losna við þetta. Að ég tali nú ekki um ef að ég hætti nú að vera alltaf kvefuð og veik í leiðinni.

YELLOW You are very perceptive and smart. You are clear and to the point and have a great sense of humor. You are always learning and searching for understanding. Find out your color at Quiz Me!

Spurning hvort að félagsgallinn hafi haft einhver áhrif!!

Það er nú ýmislegt búið að ganga á seinustu daga.
Ég er að fara í að láta skola út úr hausnum á mér á morgun. En það hittist svo á að á morgun er líka Árshátíð LBHI. Allt búið að vera á hvolfi hérna í vinnunni út af því. Og í miðju stressinu þá eru einhverjir hálv.... sem klippa í sundur ljósleiðara í Reykjavík og því verður sambandslaust hérna á Hvanneyri :(
En þetta gerði bara það hjá mér að ég er búin að kveikja á kæruleysinu.
Hlakka bara til, en veit auðvitað ekkert hvernig ég verð eftir þessa meðferð. Vonandi bara hress.

Annars gengur bara þokkalega hjá mér. En í veikindunum er ég samt búin að missa 7 kg. Vonandi er það mest spik ekki vöðvar.

Annars set ég hérna inn eitthvað sem var á síðunni hjá henni Sigrúnu. Svarið þessu ef ykkur sýnist.

01. Hver ert þú?
02. Erum við vinir?
03. Hvenær hittumst við fyrst og hvernig?
04. Láttu mig hafa gælunafn og útskýrðu afhverju þú valdir það.
05. Lýstu mér í einu orði.
06. Hvernig leist þér á mig þegar þú sást mig fyrst?
07. Lýst þér ennþá þannig á mig?
08. Hvað minnir þig á mig?
09. Ef þú gætir gefið mér eitthvað hvað myndi það vera?
10. Hversu vel þekkiru mig?
11. Hvenær sástu mig síðast?
12. Hefur þig einhvern tímann langað til að segja mér eitthvað en ekki getað það?
13. Ætlaru að setja þetta á bloggið þitt svo ég geti skrifað um þig

Audios Vigdís

Ég er enn einu sinni orðin fárveik. Bara um leið og ég hætti á pensilininu þá verð ég veik aftur. Er bara alveg hætt að þola þetta. Ég er síðan að fara til einhvers sérfræðings á morgun sem finnur út hvað sé hægt að gera. Heimilislæknirinn minn nefndi einhverja hrillingsaðgerð sem sé stundum gerð. Vá hvað ég vil ekki fara að láta bora eitthvað í hausinn á mér og skola út. En ef það verður til þess að ég batni af þessu þá geri ég svo til hvað sem er. Spurning hvort að þeir skoli einhverju öðru út í leiðinni.

Annars held ég að ég hafi það bara gott og þetta séu bara smámunir ef maður hugsar til þess sem vinkona mín er að ganga í gegnum núna.

En það sem gengur ekki alveg frá manni styrkir mann þannig að ég býst við að sumir séu aldeilis að styrkjast núna.

Mikið sem ég er búin að vera að pæla seinustu daga. Um alveg ótrúlegustu hluti.
Eitt sem ég skil ekki alveg en það er það hvað atburðir koma alltaf í skorpum.
Ein kýr pissar, allar kýrnar pissa. Eitt óhapp hendir og þá er eins og heil runa af óhöppum hendi. Maður er eitthvað dapur og þá henda hlutir sem gera mann jafnvel enn daprari og svo framvegis.

Ég fer alveg að verða komin á það að ef ég vakna í slæmum móral þá er jafnvel bara best að fara bara ekkert fram úr og slökkva á öllum samskiptum við fólk. Vakna svo bara hress daginn eftir. Annars gætir bara farið illa.
En aftur á móti þegar maður vaknar súper hress ætti maður að taka sér tíma til að tala við alla í kringum sig, því þá er eins og hamingjan elti mann uppi.

Annars er ég bara hress og æfingarnar hafa verið að ganga svona þolanlega. Er að verða komin í sæmilegt púst aftur eftir veikindin. En ekki get ég nú sagt að ég sé orðin 100% góð af þessum ennisholu sýkingar kjaftæðis vitleysu..... (ein orðin svolítið pirruð!!)

Farið svo vel með ykkur.